नेपालगञ्ज, माघ १३ । बाँकेको खजूरा गाउँपालिकामा रहेको ज्ञानोदय माध्यामिक विद्यालयमा ब्यवस्थापन समिति चयन मतदानबाट भएको छ । मतदानमा एकहजार ७८५ अभिभावक मतदाताको रुपमा रहेकोमा ९२८ मत खसेको छ । यो निर्वाचनमा सत्तारुढ नेकपा एमाले र माओवादी केन्द्र सहितको समर्थन रहेको प्यानल विजयी भएको छ । काँग्रेस नेतृत्वमा साना दलहरुको समर्थन रहेको अर्को प्यानलबीच तिव्र प्रतिष्पर्धामा भएको छ ।
सत्तारुढ गठबन्धनको समर्थन रहेको प्यानलमा नारदप्रसाद शर्मा, रामवहादुर खवास, महिला सदस्यमा भिमसरा भण्डारी र कौशिला थापा मगर क्रमशः ५७०,५५७,५५९ र ५५१ मत प्राप्त गरी विजयी हुनुभयो । यसैगरी काँग्रेसको समर्थन रहेको प्यानलबाट विकासहरी कोइराला, सहजराम यादव र महिला सदस्यमा रमा फुयाल र सरोजाकुमारी यादव प्रतिष्पर्धामा रहेकोमा ४९७,४९७,४९६,५०२ मत प्राप्त गर्नुभयो । यो निर्वाचनले स्थानीय निर्वाचनको रौनक दिएको स्थानीयले बताएका छन् । पार्टीका जिल्ला स्तरका नेता, जनप्रतिनिधीहरु मत माग्न पुगेका थिए ।
लोकप्रिय न्यूज । १३ माघ २०७९, शुक्रबार २२:१४