बाँके, फागुन २४ गते । बाँकेको खजुरा गाउँपालिका ४ डि गाउँमा यहीँ चैत ९ गतेदेखि डाफे कप फूटबल प्रतियोगिता हुने भएको छ । आयोजक न्यु डाफे स्पोर्ट्स क्लबका अध्यक्ष हरिप्रकाश विक(पप्पु)ले प्रतियोगिताको तयारी अघि बढाइएको जानकारी दिनुभयो ।
डि गाउँस्थित मिनि रंगशालामा हुने डाफे कपको यो १० औ सस्करण हो । प्रतियोगिताका खेलहरु नकआउट आधारमा हुनेछन् ।
क्लबका उपाध्यक्ष नारायण खनालका अनुसार प्रतियोगितामा प्रथमलाई एक लाख ५५ हजार र द्वितीय हुनेलाई ८० हजार रुपियाँ नगद पुरस्कार प्रदान गरिने छ ।
क्लबले सनिवार पत्रकार सम्मेलन गरि प्रतियोगिताको मिति सार्बजनिक गरेको हो ।
लोकप्रिय न्यूज । २४ फाल्गुन २०८१, शनिबार २१:५०