बाँके,माघ २४ । यही माघ २६ र २७ गते हुने टुर द ठाकुरद्वारामा दुईसय बढी साईकलयात्री सहभागी हुने भएका छन ।
आयोजक नेपालगन्ज साईक्लिङ क्लबले बुधबार पत्रकार सम्मेलन गरि कार्यक्रममा चीन र भारतबाट समेत सहभागिता रहने जनाएको छ ।
कार्यक्रम संयोजक सतिश निरौलाले तयारी पूरा भएको जानकारी दिनुभयो । २६ गते बिहान नेपालगन्जको बागेश्वरीबाट सुरु हुने यात्रा बाँके र बर्दियाका विभिन्न धार्मिक र पर्यटकिय स्थान पुगेर ठाकुरद्वारा पुग्ने छ । बिहिवार बिहान वाटरपर्कमा किड्स रेस हुने भएको छ ।
बाँके र बर्दियाका धार्मिक र पर्यटकिय स्थलको प्रचारप्रसार र प्रबर्द्धनका लागि ६ बर्षदेखी यो कार्यक्रम हुँदै आएको छ । यसबर्ष २७ लाख रुपियाँ खर्च हुने अनुमान गरिएको क्लबका अध्यक्ष प्रदिप सापकोटाले जानकारी दिनुभयो ।
विद्युतीय गाडि बिक्रि वितरण गर्दै आएको byd ले शिर्ष प्रायोजन गरेको छ ।
लोकप्रिय न्यूज । २४ माघ २०८०, बुधबार २१:३९