बाँके,फागुन २० । बाँकेको खजुरामा शिवकालिका धार्मिक महाअनुष्ठान हुने भएको छ । नेपालमै पहिलोपटक धार्मिक बाटिका निर्माण गर्ने उद्देश्यले शिवकालिका मन्दिरमा धार्मिक महाअनुष्ठान आयोजना गर्न लागिएको मन्दिर समितिका अध्यक्ष सुरेश भटटले जानकारी दिनुभयो ।
बुधबार बिहान ११ बजे लुम्बिनी प्रदेशका पुर्ब सामाजिक विकास मन्त्री रत्न खत्रीले महाअनुष्ठानको उद्घाटन गर्नुहुनेछ । फागुन २८ गतेसम्म धार्मिक अनुष्ठान हुनेछ ।
महाअनुष्ठान सचिवालयका संयोजक भक्तबहादुर केसीले प्रस्तावित धार्मिक बाटिका बनस्पति र जैबिक बिरुवा तथा पुष्पको अनुपम संगम बन्ने लक्ष्य राखिएको बताउनुभयो । यो एक बिघा जग्गामा निर्माण हुनेछ ।
युवालाइ धर्म र अध्यात्मतर्फ आकर्षण गर्न तथा मन्दिर परिसरलाई धार्मिक,पर्यटकीय क्षेत्र बनाउन, मन्दिरको बिकास सहित धार्मिक पुस्प बाटिका निर्माण गरि ज्येष्ठ नागरिकका लागि बिचरण,सत्सङ र विश्रामस्थलका रूपमा बिकास गर्न महाअनुष्ठान संकल्प गरिएको छ ।
अनुष्ठानमा सुप्रीया किशोरीले कथा बाचन गर्नुहुने प्रचार संयोजक सुमन बस्नेतले जानकारी दिनुभयो ।
लोकप्रिय न्यूज । २० फाल्गुन २०८१, मंगलवार १८:३२