बाँके, फागुन २३ । बाँकेको खजुरा गाउँपालिका वडा नम्बर ३ डिगाउँ थपप्लटमा शुक्रबार भएको आगलागीमा एउटा घर र गोठट जलेर क्षति पुगेको छ । घर र गोठभित्र रहेका खाद्यान्न, लत्ताकपडा लगायतका अन्य सामग्री जल्दा करिब १० लाख रुपियाँ बढिको क्षति भएको छ । स्थानीय लालबहादुर रोकायको घर गोठ जलेर नष्ट भएको हो । घरका सदस्यहरु बारीमा काम गर्न गएको समयमा एक्कासी आगलागी भएको रोकायले बताउनुभयो ।
आगलागी भएपछि स्थानीयले नियन्त्रणको प्रयास गरेपनि सम्भव नभएपछि नेपालगञ्ज उपमहानगरपालिकाबाट दमकल बोलाइएको थियो । दमकलको सहयोगमा स्थानीयबासी र प्रहरीले आगो नियन्त्रणमा लिएका हुन । आगलागीपछि रोकायको परिवार बेघर भएको छ ।
लोकप्रिय न्यूज । २३ फाल्गुन २०८१, शुक्रबार २१:२६