बाँके, चैत २० । नेकपा एमाले बाँकेको आयोजनामा बुधबार नेपालगन्जमा बृहत् मोटरसाइकल र्याली भएको छ । एमाले बाँकेको पार्टी कार्यालयबाट सुरु भएको र्याली नगरका विभिन्न भागको परिक्रमा गरि बिपि चोकमा पुगेर सभामा परिणत भएको थियो ।
सभामा केन्द्रीय सदस्य तथा जिल्ला इन्चार्ज शान्ती ढकालले नेपाली जनताले गणतन्त्रको विकल्प नखोजेको भन्दै भ्रममा नपर्न चेतावनी दिनुभयो ।
जिल्ला अध्यक्ष निरक गुरुङले मुर्ति चोरहरुले नेपाली जनताको भलो गर्न नसक्ने भन्दै लोकतन्त्रको विकल्प नभएको बताउनुभायो । उहाँले राप्रपाका महामन्त्री डाक्टर धवल शम्शेर राणालाई निर्वाचनको समयमा जनतासंग गरिएको प्रतिबद्धता अनुसार मल कारखाना स्थापनाका लागि पहल गर्न अनुरोध गर्दै बाँकेबासिलाई राजा नभइ मल कारखाना ल्याउन सन्देश पठाउनुभयो ।
कार्यक्रमको संचालन सचीव बलराम भट्टराईले गर्नुभएको थियो । एमाले बाँकेका उपाध्यक्ष रत्न खत्रीले गणतन्त्रको पक्षमा र्याली आयोजना गरिएको बताउनुभयो ।
लोकप्रिय न्यूज । १९ चैत्र २०८१, बुधबार १७:१०