नेपालगञ्ज, फागुन २७ । नेकपा एमालेको नयाँ जनवर्गिय संगठनको रुपमा रहेको रिटर्नी फेडरेशन नेपालको प्रथम जिल्ला अधिवेशनले अमर विरही श्रेष्ठको अध्यक्षतामा नयाँ कार्य समिति चयन गरेको छ । फेडरेशनको उपाध्यक्षमा हेमराज गौतम, सचिवमा केशर बुढाक्षेत्री, उपचिवमा खेमराज बेल्बासे, कोषाध्यक्षमा गोविन्द खत्री रहनुभएको छ ।
नेकपा एमाले बाँकेले केन्द्रीय कार्यक्रम अनुसार सञ्चालन गरिरहेको मिसन ग्रासरुट अभियान अन्तर्गत नेकपा एमाले जिल्ला पार्टी कार्यालयमा आयोजित अधिवेशनलाई सम्बोधन गर्दै पार्टी अध्यक्ष किस्मत कक्षपतिले विदेशमा सिकेका सिपलाई स्वदेशमा प्रयोगमा ल्याउन सकेमा आर्थिक विकास र समृद्धिका लागि टेवा पुग्ने बिश्वास ब्यक्त गर्नुभयो । उहाँले रिटर्नी फेडरेशनले पार्टीका गतिविधिलाई जनमानसमा पु¥याउन महत्वपूर्ण सहयोग मिल्ने बिश्वास ब्यक्त गर्नुभयो । रिटर्नी फेडरेशनले बाँकेमा स्थानीय तहमा कमिटी बिस्तार गरिसकेको छ । वडातहमा समेत कमिटी बिस्तार गरिदैछ ।
लोकप्रिय न्यूज । २८ फाल्गुन २०७९, आईतवार २०:२३