नेपालगञ्ज, फागुन १९ । तपाईको घरमा एक्कासी बाथरुममा समस्या आयो । तत्काल मर्मत सम्भारका लागि कसलाई बोलाउने भन्ने चिन्तामा हुनुहुन्छ भने अबदेखि तपाईले यस्तो चिन्ता नगरे हुन्छ । तपाई सामाजिक संजालमा जोडिनुभएको छ भने तत्कालै तपाई कहाँ मर्मतका लागि प्राविधिक टोली पुग्छ । घर, कार्यालय, होटेल तथा रेस्टुरेन्ट लगायतका ब्यापारीक प्रतिष्ठानहरुमा तुरुन्त मर्मतले फागुन २२ बाट बाँके जिल्लाभर आफ्नो सेवा दिने भएको छ ।
खानेपानी, बाथरुम, विद्युत लगायतका समस्या समाधानको लागी तुरुन्त मर्मतले बाँकेभरी नै आफ्नो सेवा प्रदान गर्न लागेको तुरुन्त मर्मतका संचालक ऋषि पोखरेलले जानकारी दिनुभयो । फोन तथा सामाजिक संजालको प्रयोगबाट नै मर्मत कार्यको लागी तुरुन्तलाई सम्पर्क गर्न सकिने र छितोछरितो संगै भरपर्दो कार्य सम्पादन गर्ने अभिप्रायले तुरुन्त संचालन गर्न लागेको पोखरेलले बताउनुभयो । पोखरेलका अनुसार तुरुन्तले घर अफिस संगै होटेल र रेस्टुरेन्टका बाथरुम, खानेपानी तथा विद्युत लगायतका समस्याको समाधानको लागी तुरुन्तले जिल्लाको कुनैपनी स्थानमा आफ्नो टिम पठाउने छ । तुरुन्त मर्मतले कोरोनाको लकडाउन अगाडी नै आफ्नो सेवाको सुरुवात गरे पनि कोरोना संक्रमणको समय लम्बिए संगै आफ्नो सेवालाई रोकेको थियो । हाल पुनः तुरुन्त मर्मतले आफ्नो सेवाहरु र कार्यक्षेत्र बिस्तार गर्दै सेवा प्रवाह गर्न लागेको तुरुन्त मर्मतका संचालक मध्यका एक पोख्रेलले बताउनुभयो ।
लोकप्रिय न्यूज । १९ फाल्गुन २०७९, शुक्रबार १३:२०