नेपालगञ्ज, पुस २१ । नेकपा एमाले बाँकेको ७ औं पूर्ण बैठक बिहिवार नेपालगञ्जमा सम्पन्न भएको छ । प्रतिनिधीसभा तथा प्रदेशसभाको निर्वाचन सम्पन्न भएपछि पहिलो पटक बसेको बैठकमा निर्वाचनको समीक्षा भएको सचिव रत्न खत्रीले जानकारी दिनुभयो ।
जिल्ला अध्यक्ष किस्मतकुमार कक्षपतिको अध्यक्षतामा बसेको बैठकमा प्रतिनिधीसभा तथा प्रदेशसभामा निर्वाचित सांसदहरुलाई सम्मान सहित बधाईज्ञापन गरिएको थियो । बैठकमा केन्द्रीय सदस्य तथा इन्चार्थ सुर्य ढकाल, मोहम्मद हारुन, शान्ति ढकाल, दिपा शर्मा, पशुपतिदयाल मिश्रा, अनुशासन आयोगका सदस्य तथा निर्वाचन परिचालन समितिका संयोजक देवराज भार लगायतको उपस्थिती थियो ।
लोकप्रिय न्यूज । २१ पुष २०७९, बिहीबार २०:२५