बाँके, साउन ७ । नेपाल कम्युनिष्टका संस्थापक महासचिव पुष्पलाल श्रेष्ठको स्मृति दिवस बाँकेमा विभिन्न कार्यक्रम गरि मनाइएको छ । नेकपा एमालेले स्थानीय तह स्तरमा वृक्षारोपण लगायतका कार्यक्रम सम्पन्न गरेको छ । खजुरा गाउँपालिका कमिटी र अखिल नेपाल किसान महासंघको आयोजनामा खजुरा २ के गाउँस्थित मन्दिर परिसरमा वृक्षारोपण गरिएको छ ।
वृक्षारोपणपछि आयोजित कार्यक्रममा नेताहरु स्वगीय पुष्पलालबाट जनताको सेवा कसरी गर्ने र ब्यक्तिगत अनुशासनका विषयमा सिक्न जरुरी भएको बताउनुभयो । पार्टी केन्द्रीय सदस्य तथा गाउँपालिका इन्चार्ज शान्ति ढकालसँगै स्व. पुष्पलालसँग पार्टी काम गर्नुभएका केन्द्रीय सल्लाहकार बाबुराम गौतम र पुर्व जिल्ला अध्यक्ष नन्दलाल रोकाले स्व. नेताले देखाएको बाटोमा अघि बढ्नुपर्ने बताउनुभयो । खजुरा गाउँपालिका कमिटीका अध्यक्ष गेहेन्द्र धितालको अध्यक्षतामा भएको कार्यक्रममा जिल्ला अध्यक्ष किस्मतकुमार कक्षपति, किसान महासंघका सचिव आरती पौडेल लगायतले मन्तव्य राख्नुभएको थियो ।
सो अवसरमा अर्जुन प्रजातिका करिब तीनसय विरुवा रोपिएको थियो । केन्द्रीय सदस्य ढकालले रोपिएका विरुवाको संरक्षणका लागि स्थानीय पार्टी कमिटीको ध्यानाकर्षण गराउनुभयो ।
लोकप्रिय न्यूज । ७ श्रावण २०८०, आईतवार १४:१२