मनिका थापा
बाँकेैं, असार १४ गते । मुस्लिम धर्मालम्वीहरुको दोस्रो महान् पर्व बकर इद (इदुल जोहा) आज बाँके लगायत देशभर मनाईदैंछ । नेपालगञ्जको ईदगाहमा विहान हजारौं मुस्लिम समुदाय जम्मा भएर ईदमको सामुहिक नमाज पढेर शुभकामना आदानप्रदान गरिरहेका छन् । इदुल फित्र अर्थात् रमजान पर्वको ७० औँ दिनमा बकर इद मनाउने धार्मिकविधि छ । मुस्लिम समुदायको बाक्लो बसोबास रहेको बाँकेमा यसको विशेष रौनक रहेको छ ।
मुस्लिम समुदायलाई बकरिदको शुभकामना दिन गैर ईस्लाम धर्मावलम्बी पनि ईदगाह पुग्नुभएको थियो । नेपालगञ्जमा बकरिदलाई समेत सामाजिक सद्भावको पर्वको रुपमा मनाउने गरिन्छ ।
तीन दिनसम्म मनाईने यो पर्वमा हज (तीर्थ) र कुर्वानी (बली) गर्नुपर्ने प्रमुख विषेशता छ । बकर ईदमा इस्लाम धर्मावलम्वीहरुका लागि हज र कुर्वानी अनिबार्य भएकोले मुस्लिम समुदायले ईगदाहमा नमाज पढेपछि दक्ष अनुसारको पशु वली कुर्वानी दिने प्रचलन रहेको मुस्लिम धर्मगुरु मौलाना अब्दुल जब्बार मन्जरीले बताउनुभयो । मुस्लिम समुदायले यो पर्वमा राँगा, खसी बाख्रा, भेडा, उँटको कुर्वानी दिने चलन छ ।
कुर्वानी दिएको जनावरको मासु तीन भागमा बाँडेर एक भाग आफ्नो परिवारमा, एक भाग आफन्त तथा छरछिमेकमा र एक भाग विपन्न तथा गरिवलाई बाँड्नै पर्ने चलन रहेको धर्मगुरु मञ्जरीको भनाई छ । मुस्लिम समूदायले यस पर्वका अवसरमा समेत साउदीको मक्का मदीनामा हज गर्न जाने गर्दछन । (प्रशिक्षार्थी)
लोकप्रिय न्यूज । १४ असार २०८०, बिहीबार १२:३१