नेपालगञ्ज, माघ १७ । नेकपा एमाले बाँकेले क्षेत्र नम्बर ३ मा आम निर्वाचनको समीक्षा तथा मतदातालाई धन्यवादसहित वडा कमिटीहरुको विस्तारित बैठक सम्पन्न गरेको छ । जिल्ला कमिटीका अध्यक्ष किस्मतकुमार कक्षपतिले निर्वाचन क्षेत्रीय कमिटी, प्रदेश कमिटी, पालिका कमिटीको बैठक सहित निर्वाचन क्षेत्रका सम्पूर्ण २४ वटै वडामा विस्तारित बैठक सम्पन्न भएको जानकारी दिनुभयो । अन्तिम दिन मंगलबार बैजनाथ गाउँपालिकाको वडा नम्बर ३ र ४ को विस्तारित बैठक सम्पन्न भएको छ । बैठकमा जिल्ला अध्यक्ष कक्षपति, प्रदेश कमिटीका सदस्य घननाथ खनाल, जिल्ला कमिटीका सचिव तथा प्रदेश सांसद रत्न खत्री लगायतले मन्तव्य राख्दै जिल्ला र क्षेत्रमा पार्टीलाई पहिलो शक्तिको रुपमा स्थापित गराउने आम मतदातालाई धन्यवाद ज्ञापन गर्नुभयो । प्रदेश सांसद खत्रीले निर्वाचन क्षेत्रमा आफुले पार्टीको समन्वय र सहकार्यमा काम अघि बढाउने बताउनुभयो । कार्यक्रममा प्रदेश सदस्य नन्द बिश्वकर्मा, शारदा बिश्वकर्मा लगायतको सहभागिता रहेको थियो ।
लोकप्रिय न्यूज । १७ माघ २०७९, मंगलवार २१:१३