बाँके, मंसिर ३ । बाँकेको नरैनापुर क्षेत्रको समग्र विकासका लागि लुम्विनी प्रदेश सरकारको ध्यानाकर्षण गराउन मुख्य मन्त्री चेतनारायण आचार्यको उपस्थितीमा मंसिर ५ गते नरैनापुरमा बृहद आमसभा गरिने भएको छ । नेकपा एमालेको आयोजनामा हुने कार्यक्रमको तयारी भईरहेको छ । तयारीको बारेमा प्रतिनिधीसभा सदस्य तथा एमाले केन्द्रीय सदस्य सुर्य ढकाल, जिल्ला अध्यक्ष निरक गुरुङ सहितको टोलीले सोमबार पार्टीको नरैनापुर क्षेत्रका नेतृत्वसँग छलफल गरेको छ । नरौनापुर पुगेर एमाले टोलीले जिल्ला नेता रामकुमार दिक्षित, सोहनलाल यादव,पालिका कमिटीका अध्यक्ष ताज मोहम्मद, सचिव विनय यादव लगायतसँग आमसभाका तयारी बारे आवश्यक छलफल गरेको हो । मंसिर ५ गते बिहान १० बजे नरैनापुर चौकमा कार्यक्रम हुनेछ ।
कार्यक्रम अघि मुख्यमन्त्री आचार्यले राप्तीनदीको कटान क्षेत्र र सामुदायिक विद्यालयहरुको स्थलगत अनूगमन गर्ने कार्यक्रम रहेको छ । मुख्यमन्त्री आचार्यलाई नेकपा एमाले र नरैनापुर गाउँपालिकाको तर्फबाट मागपत्र प्रस्तुत गरिने भएको छ ।
एमाले नरैनापुुर पालिका कमिटीका सचिव दिक्षितले आमसभामा बढि भन्दा बढि जनसहभागिता गराउन प्रचारप्रसारलाई तिव्रता दिइएको बताउनुभयो ।
लोकप्रिय न्यूज । ३ मंसिर २०८१, सोमबार २०:१२