नेपालगन्ज ५ चैत्र । मंगलबार चैत ६ गतेदेखि नेपालगन्जको वाटरपार्कमा आयोजना हुने सातौँ प्रादेशिक औद्योगिक लघु, घरेलु तथा कृषि, व्यापार एवम् पर्यटन महोत्सवको तयारी पूरा भएको छ ।
आयोजक नेपाल घरेलु तथा साना उद्योग महासङ्घ बाँकेका अध्यक्ष मधु खड्काले सोमबार महोत्सवस्थलमा आयोजित पत्रकार सम्मेलनमा सम्पूर्ण तयारी पूरा भएको जानकारी दिनुभयो । महोत्सवको लुम्विनी प्रदेशका निवर्तमान मन्त्री कृष्ण केसी नमूनाले उद्घाटन गर्ने कार्यक्रम तय भएको छ । महोत्सवमा करिब दुईसय स्टल राखिने भएको छ ।
अध्यक्ष खड्काले बाँकेको आर्थिक गतिविधिलाई चलायमान गर्ने उद्देश्यका साथ नेपालगन्जको वाटरपार्कमा सातौँ प्रादेशिक औद्योगिक लघु, घरेलु तथा कृषि, व्यापार एवम् पर्यटन महोत्सव आयोजना गर्न लागेको जानकारी दिनुभयो । महोत्सवबाट नेपालगन्जको मौलिक कुराहरुको प्रर्बद्धन गर्नुका साथै नेपालगन्ज वाटरपार्कसहित यसक्षेत्रको पर्यटन प्रर्वद्धनमा जोड दिनुका साथै महासंघको भवन निर्माणमा समेत बजेट संकलनका लागि महोत्सव आयोजना गर्न लागिएको हो ।
अध्यक्ष खड्काका अनुसार स्थानीय वाटरपार्कको खुला मैदानमा १३ दिनसम्म महोत्सव चल्नेछ । महासचिव जिआर भुसालका अनुसार चैत्र ६ गते महोत्सव उद्घाटनका दिन ¥यालीसहित भब्य झाँकीका साथ उद्घाटन गरिनेछ ।
लोकप्रिय न्यूज । ५ चैत्र २०८०, सोमबार २१:५६