बाँके,भदौ ३१ । बाँकेको खजुरा एक नम्बर बजारमा भोलि सोम्बार आयोजना हुने प्रथम खजुरा तिज महोत्सव तथा सांस्कृतिक कार्यक्रममा सहभागी हुन राष्ट्रिय कलाकारहरु आइतबार खजुरा पुग्नुभएको छ ।
खजुरामा सामाजिक कार्यमा क्रियाशिल रहेको आदर्श युवा सञ्जालको मुख्य आयोजनामा असोज १ गते तिजको दिनमा हुन लागिरहेको तिज महोत्सवमा सहभागी हुन चर्चित लोक तथा दोहोरी गायिका टिका पुन र जय देवकोटा आइपुग्नुभएको सांस्कृतिक उप समितिका संयोजक खगेन्द्र दाहालले जानकारी दिनुभयो। साथमा मेरो डान्स युनिभर्सका टप १० मा पर्न सफल डान्सर दिलु सुनारको प्रस्तुती राखिने आयोजकले जनाएको छ ।
आदर्श युवा सञ्जालको मुख्य आयोजना र अन्य स्थानिय क्लवहरु न्यु डाँफे स्पोर्टस क्लव, बागमति स्पोर्टस क्लव, हिमालय सामुदायिक क्लव, न्यु दर्पण युवा क्लवको सह आयोजनामा हुन गैरहेको तिज महोत्सवमा सामुहिक तिज न्यृत्य प्रतियोगिता र एकल तिज न्यृत्य प्रतियोगिता मुख्य क्रियाकलाप हुन ।
यस सगैं राष्ट्रिय कलाकारको प्रस्तुती हुने भएपछि खजुरा एक नम्बर बजारको तिजको कार्यक्रम थप भव्य हुने भएको छ । बाँके जिल्लाकै ठुलो धनराशि पुरस्कारमा राखिएको कारणले पनि प्रतियोगि समुहहरुको सहभागिता उल्लेखनिय रहने विस्वास गरिएको छ । सामुहिक तर्फ प्रथम हुने टिमले ५० हजार नगद पुरस्कार पाउने छन । त्यस्तै दोश्रो हुने टिमले ३० हजार, तेश्रो हुने टिमले १५ हजार र सान्तावना हुने टिमले नगद १० हजार पाउने सांस्कृतिक उप समितिका संयोजक दाहालले जानकारी दिनुभयो। एकल तिज गित न्यृत्य प्रतियोगिताका विजयिहरुका लागि आर्कषक सुनका गहना उपहार पुरस्कारको रुपमा व्यवस्था गरिएको सञ्जालका अध्यक्ष कल्पना तामाङ्गले जानकारी दिनुभयो ।
उद्घाटन समारोहमा नैमति बाजा बजाएर पन्चेकन्या सहित सुरुवात गरिने गरि तयारी भैरहेको सञ्जालका सचिव सुवास निरौलाले जानकारी दिनुभयो ।
Online News Portal
लोकप्रिय न्यूज । ३१ भाद्र २०८०, आईतवार २०:४३