एमाले पार्टी कार्यालयमा साप्ताहिक प्रशिक्षण

नेपालगञ्ज, जेठ १३ । नेकपा एमालेका नेता कार्यकर्ता र शुभेच्छुकहरुका लागि साप्ताहिक प्रशिक्षणनात्मक कार्यक्रम सुरु भएको छ । नेपालगञ्जस्थित एमालेको पार्टी कार्यालयमा भएको पहिलो शनिबारको कार्यक्रममा एमाले नेता देवराज भारले दर्शनका विषयमा प्रशिक्षण दिनुभएको थियो । मदन भण्डारी पुस्तकालय समिति बाँकेको आयोजनामा भएको कार्यक्रम अन्तर्गत दोश्रो शनिबार सांगठनिक सिद्धान्तका विषयमा प्रशिक्षण दिइने समितिका अध्यक्ष खिलप्रसाद भुसालले जानकारी दिनुभयो । कार्यक्रममा जिल्ला अध्यक्ष किस्मत कक्षपति लगायतको सहभागिता रहेको थियो । पार्टी कार्यकर्ताहरुलाई विचारवान बनाउन साप्ताहिक प्रशिक्षणसँगै समसामयिक विषयमा नियमित छलफल समेत चलाइने सचिव किशोर थापाले बताउनुभयो ।