मब क्याम्पसका अखिलका खत्री विजयी

नेपालगञ्ज, चैत ९ । नेपालगञ्जस्थित महेन्द्र वहुमुखी क्याम्पसमा भएको स्वतन्त्र विद्यार्थी यूनियनको अध्यक्षमा नेकपा (एमाले) सम्वद्ध अनेरास्ववियुका माधव खत्री विजयी हुनुभएको छ बिहिवार विहान सम्पन्न मतगणनाको अन्तिम परिणाम अनुसार अध्यक्षमा संयुक्त प्यानलका तर्फबाट अनेरास्ववियुका खत्री नेविसंघका जिवनराज सुवेदीलाई ८८ मतको अन्तरले पराजित गर्दै विजयी हुनुभएको हो । मतदानमा कुल चार हजार १२२ विद्यार्थी मतदाताको रुपमा रहेको एकहजार ६९१ मत खसेको थियो । निर्वाचन समितिका अनुसार खत्री नेतृत्वको प्यानल विजयी भएको छ । अनेरास्ववियुले करिब दुई दशकपछि मब क्याम्पसमा अध्यक्ष जित्न सफल भएको हो । २०६० मा अखिलका तर्फबाट रत्न खत्री स्ववियु सभापति हुनुभएको थियो ।

सम्बन्धित शीर्षक