नेपालगञ्ज,माघ ५ । बाँकेको खजुरा गाउँपालिकाको आयोजनामा बिहिवारदेखि अन्तर विद्यालय मेयर रनिङ्ग शिल्ड खेलकुद प्रतियोगिताको ५ औं संस्करण सुरु भएको छ । वडा नम्बर ४ स्थित श्री नेपाल राष्ट्रिय आदर्श आधारभुत विद्यालय डि गाउँमा रहेको मिनि रङ्गशालामा प्रतियोगिताको भव्य उद्घाटन गरिएको गाउँपालिकाका अध्यक्ष तथा प्रतियोगिता मुल आयोजक समितिका संयोजक डम्बर विकले जानकारी दिनुभयो । उद्घाटनमा सहभागी विद्यालयले मार्चपास गरे भने खजुरामा लोकप्रिय कुर्कुटे तथा मयुर नाच लगायतका साँस्कृतिक झाँकी प्रस्तुत गरिएको थियो । रनिङ्ग शिल्ड माघ १० गतेसम्म संचालन हुनेछ ।
प्रतियोगितामा माध्यामिक तहमा एथ्लेटिक्स, भलिवल र कपर्दी गरी १५ इभेन्टस, आधारभुत तहमा १० ईभेन्टस र प्राथमिक तहमा ५ ईभेन्टसको प्रतिष्पर्धा हुने छ । प्रतियोगितामा ६६ विद्यालयका एकहजार ३२० जना खेलाडीहरु सहभागी हुदैछन् ।
लोकप्रिय न्यूज । ५ माघ २०७९, बिहीबार १७:४७