बाँके,फागुन २३ गते । ११४ औं अन्तर्राष्ट्रिय नारी दिवसको सन्दर्भ पारेर बाँकेको खजुरास्थित सुशील कोइराला प्रखर क्यान्सर अस्पतालमा उपचाररत बिरामीलाई फलफूल वितरण गरिएको छ । ८ मार्चमा बिश्वभर अन्तर्राष्ट्रिय नारी दिवस मनाइन्छ ।
ग्रामिण महिलामा पाठेघरको क्यान्सर लगायत अन्य खालका क्यान्सर सम्बन्धि स्वास्थ्य शिविर संचालन गरेको गाउँपालिकाले बुधबार उपचाररत विरामीलाई फलफूल वितरण गरेको हो ।
पश्चिम नेपालको एकमात्र क्यान्सर अस्पतालको रूपमा रहेको अस्पतालमा उपचाररत २०० जना विरामीलाई फलफूल वितरण गरिएको खजुरा गाउँपालिकाका उपाध्यक्ष मन्जु मल्लले जानकारी दिनुभयो । सो अवसरमा गाउँपालिकाका अध्यक्ष डम्बरबहादुर विक,उपाध्यक्ष मल्ल,प्रखर परोपकार मिसन नेपालका अध्यक्ष महेन्द्र मल्ल ठकुरी, अस्पतालका प्रमुख डाक्टर प्रकाश शाहको उपस्थिति रहेको थियो । ११४ औ अन्तर्राष्ट्रिय नारी दिवसको अवसर पारेर बिरामीलाई फलफूल वितरण गरिएको उपाध्यक्ष मल्लले बताउनुभयो ।
दिवसकै अवसर पारेर महिलाहरुका लागि कानुनी परामर्श अभिमुखिकरण समेत गरिएको छ । बीग्रुपको सहकार्यमा भएको कार्यक्रममा गाउँपालिकाका अध्यक्ष विक, उपाध्यक्ष मल्ल, प्रमुख प्रशासकीय अधिकृत बसबहादुर राना, गाउँपालिकाका पुर्ब उपाध्यक्ष एकमाया विक, महिला नेतृहरु कमला न्यौपाने, सुजिता खरेल र गिता गोदारले मन्तव्य ब्यक्त गर्नुभयो । अधिबक्ता सुनिता ज्ञवालीले सहजिकरण गर्नुभएको थियो ।
गाउँपालिकाका उपाध्यक्ष मल्लले समाजमा अगुवाई गरिरहेका विभिन्न क्षेत्रका महिलालाई कानूनी सहजताका लागि कार्यक्रम गरिएको बताउनुभयो ।
लोकप्रिय न्यूज । २३ फाल्गुन २०८०, बुधबार २१:३५