बाँके,कात्तिक २० । नेकपा एमालेको तर्फबाट बाँकेबाट प्रतिनिधित्व गर्ने संघीय तथा प्रदेश सांसदहरु र पार्टी नेताहरुको अगुवाईमा जाजरकोटका भुकम्प प्रभावितलाई सोमबार राहत सामग्री हस्तान्तरण गरिदैछ ।
एमालेका केन्द्रीय सदस्य सुर्य ढकालको नेतृत्वमा पार्टी सम्वद्ध संघीय तथा प्रदेश सांसद, पार्टी नेता कार्यकर्ता र उद्योगी ब्यवसायीसँग संकलन गरिएको राहत सामग्री सोमबार जाजरकोट पुगेर हस्तान्तरण गरिदै छ । एमाले बाँकेका सचिव तथा प्रदेशसभा सदस्य रत्न खत्रीले दुईसय बढि कम्बल प्रभावित परिवारलाई बितरणका लागि टोलि जाजरकोट प्रस्थान गरेको बताउनुभयो । सो सामग्री जाजरकोटको भेरी नगरपालिका र बारेकोट गाउँपालिकाका भुकम्प प्रभावितका लागि उपलब्ध गराउन भेरी नगरपालिकाका प्रमुख सिपी घर्तीलाई हस्तान्त्रण गरिने छ ।
एमाले केन्द्रीय सदस्य ढकाल, शान्ती ढकाल,लेखा आयोग सदस्य बिजया धिताल, प्रदेश सांसद खत्री, दुर्गाबहादुर चौधरी, प्रदेश कमिटी सदस्य घननाथ खनाल, नेताहरु खिलप्रसाद भुसाल, बलराम भट्टराई, किशोर थापा, केशव शाही, इन्द्रबहादुर थापा,तुलसी थारु, मोहित शाह, कमल कार्की सहितको टोलीले भुकम्प प्रभावितका लागि सहयोग जुटाएर जाजरकोट पुगी हस्तान्तरण गर्दैछ । केन्द्रीय सचिव पद्मा अर्यालको उपस्तिथिमा राहत हस्तान्तरण गरिनेछ ।
लोकप्रिय न्यूज । २० कार्तिक २०८०, सोमबार ०७:१७