नेपालगञ्ज, पुस २८ । बाँकेको खजुरा ४ मा रहेको मनकामना आधारभुत विद्यालय बलभद्रपुर ईगाउँ ब्यवस्थापन समितिको अध्यक्षमा गगनबहादुर पुन चयन हुनुभएको छ । विद्यालय ब्यवस्थापन समितिको पहिलो बैठकले पुनलाई समितिको अध्यक्षमा सर्वसम्मत चयन गरेको छ । अभिभावक भेलाले सर्वसम्मतरुपमा पुनसहित उमेद अली शेष, तिलसरा योगी, मिना विक गरि चारजनालाई विद्यालय ब्यवस्थापन समितिको सदस्यमा निर्वाचित गरेको थियो । निर्वाचित सदस्यसहितको बैठकले विरवहादुर बिसी र विष्णु चन्दलाई मनोनित गरेको थियो । विद्यालय ब्यवस्थापन समितिमा प्रधानाध्यापक तिर्थबहादुर विक सदस्य सचिव, दिपेन्द्र शाही शिक्षक प्रतिनिधी र वडा सदस्य वलबहादुर बिसी सदस्यको रुपमा रहनुभएको छ ।
ब्यवस्थापन समितिको अध्यक्ष बन्नका लागि आधारभुत तह उत्तिर्ण गरेको शैक्षिक योग्यता अनिवार्य भएका कारण पुन अध्यक्ष हुनुभएको हो । पुनले विद्यालय ब्यवस्थापन समितिको अध्यक्षको जिम्मेवारी पाएपछि विद्यालयको समग्र सुधारका लागि आम अभिभावक र अगुवा सबैको साथ लिएर अघि बढने बताउनुभयो । पुनका पिता तुलवहादुर विद्यालयको संस्थापक ब्यवस्थापन समितिको अध्यक्षको जिम्मेवारी निर्वाह गर्नुभएको थियो ।
लोकप्रिय न्यूज । २८ पुष २०७९, बिहीबार १९:०७